Høyring frå EU-kommisjonen – Endring av forordning (EU) 2015/1018 for å inkludere rapporteringspliktige dronehendingar
Europakommisjonen gjennomfører høyring av forslaget til endring av forordning (EU) 2015/1018 som fastset uttømmande liste for kva hendingar som er rapporteringspliktige i sivil luftfart etter rapporteringsforordninga (EF) 376/2014.
Les høyringa og forslaget her: Unmanned aircraft systems – reporting safety occurrences
Hovudpunkta i regelverksforslaget
Formålet med forslaget til endring av forordning (EU) 2015/1018 er å sikre at tryggingshendingar knytt til ubemanna luftfartssystem (UAS/dronar) vert omfatta av den uttømmande lista over rapporteringspliktige hendingar.
Regelverksforslaget inneber at operatørar av dronar som er sertifiserte eller som har gitt ei erklæring etter forordning (EU) 2018/1139 art. 56(1) og (5) vert underlagde plikt til å rapportere nærmare definerte tryggingstilfelle.
Regelverket forandrar forordning (EU) 2015/1018 som er gjennomført i norsk rett i forskrift om rapporterings- og varslingsplikt i samband med luftfart osb. 1. juli 2016 nr. 868 som du finn her. Det endelege regelverket vil bli tatt inn i norsk rett ved endring av denne forskrifta.
Det er forventa at forslaget vil bli ferdig behandla i EU i juni 2026.
Høyringsinnspel
Luftfartstilsynet oppmodar ramja norske aktørar til å gi innspel til EU-kommisjonen på regelverksforslaget. Høyringsinnspel kan gjevast ved å følge lenkja her.
Frist for å gi innspel er 1. juni 2026.