Ny gebyrforskrift for 2026
Samferdselsdepartementet vedtok 28. januar ny forskrift om gebyr til Luftfartstilsynet for 2026. Forskrifta trer i kraft 1. februar 2026 og erstattar forskrift 20. januar 2025 nr. 87.
For nye søknader som kjem inn frå og med 1. februar 2026, blir gebyr betalt etter ny forskrift. Det same gjeld for prøver som blir avlagde etter 1. februar 2026.
Årsgebyr
Årsgebyr for luftfartøy og godkjende organisasjonar skal dekkje Luftfartstilsynet sine kostnader til rutinemessige tilsyn, førespurnader og anna arbeid knytt til administrasjon og oppfølging gjennom året. Årsgebyr for 2026 er basert på rettar som er registrerte i Luftfartstilsynet og Noregs luftfartøyregister per 1. januar 2026. Alle registrerte luftfartøy med godkjend luftdyktigheit blir fakturerte for årsgebyr.
Forskrifta blir publisert på Lovdata.