Overtredingsgebyr til Sykehuset Østfold HF
Luftfartstilsynet har gitt Sykehuset Østfold HF pålegg om eit overtredingsgebyr på 200 000 kroner for å ha tillate bruk av redningshelikopteret AW101 ved helikopterlandingsplassen ved sjukehuset, utan å ha etablert brannslokkingsutstyr med korrekt dimensjonering i tråd med krava i forskrift 12. mai 2006 nr. 545 om brann- og redningsteneste (BSL E 4-4) §§ 8 til 10.
Det har vore gjennomført over 150 helikopterrørsler med redningshelikopteret AW101 ved landingsplassen ved sjukehuset over ein periode på nærmare to år. At det i denne perioden ikkje har vore tilgjengeleg brannslokkingsutstyr med rett dimensjonering for å kunne handtere ein eventuell brann ved landingsplassen, har medført ein reell og alvorleg tryggleiksrisiko for pilotar, pasientar og anna sjukehuspersonell.
Sykehuset Østfold HF er no i ein dialog med Luftfartstilsynet for å oppfylle krava til brannberedskap, og har i denne perioden sett i verk alternative tiltak ved landing med redningshelikopteret ved sjukehuset, for å ivareta tryggleiken til alle involverte.