Gaskaboddosaš restrikšuvdnaguovllut áibmolanjas Cold Response 2026 áigge
Áibmojohtolatbearráigeahčču lea miehtan Suodjalusa ohcamuššii ásahit njeallje gaskaboddosaš restrikšuvdnaguovllu áibmolanjas gaskal Divttasvuona Nordlánddas ja Návuona Romssas. Doaibmabidju gusto militeara hárjehusa Cold Response 2026 oktavuođas.
Restrikšuvdnaguovllut fápmuibohtet njukčamánu 7.b. rájes dii. 09.00 njukčamánu 19.b. 2026 rádjai dii. 12.00 (báikkálaš áigi).
Hárjehusa áigge Suodjalus girdá olu áibmolanjas. Sihkkarastin dihtii girdinsihkkarvuođa, de buot girdin guovlluin lea gildojuvvon olggobeale áibmofievrruide go guovllut leat aktiverejuvvon NOTAMAS. Gildosii gullá buotlágan áibmojohtolat, maiddái dronat ja modeallagirdit.
Bildet viser et kart over de aktuelle områdene med informasjon om restriksjonsområdene. Områdenes horisontale utstrekning er begrenset av rette linjer mellom følgende koordinater oppgitt i grader, minutter og sekunder // Govas lea kárta guoskevaš guovlluin ja dieđut restrikšuvdnaguovlluin. Guovlluid horisontála viidodaga ráddjejit njuolggolinnját čuovvovaš koordináhtaid gaskkas, mat leat almmuhuvvon grádan, minuhttan ja sekundan.
Sáhttá dattetge girdit jus Suodjalus addá sierra lobi. Dákkár ohcamušaid oktavuođaváldindieđut leat NOTAMAS ja AIP SUP:s. Suodjalus áigu, nu guhká go soahpá girdinsihkkarvuođain, vuoruhit lobiid politiija-, ambulánsa- ja ohcan- ja gádjunbargguide, ja girdimiidda mat leat čadnon boazodollui sámi boazodoalloguovllus.
Restrikšuvdnaguovllut leat ásahuvvon láhkaásahusa vuođul. Sáhtát lohkat láhkaásahusa dás.